طريقتي في تخفيف إسمرار الهالات السوداء الجديدة .. تفضلوا

بسم الله الرحمن الرحيم
السلام عليكم ورحمة الله

مرحبا ياحلوين

__________

اليوم بقولكم عن طريقتي في تخفيف إسمرار الهالات السوداء حول العيون
وإرجاع النضارة لها من جديد




كريم أولاي لمنطقة العيون لمقاومة علامات تقدم سن البشرة السبع ..
أنا إللي عندي لونه بيج (بني فاتح) مو أبيض .. بس كذا شكله بالضبط

أضيف عليه .. قطرات من زيت جنين القمح + زيت اللوز الحلو

وقطرات من عصارة الليمون


والقليل من نشأ الذرة


وكبسولة فيتامين E (أشتريت الكبسولات من الصيدلية) أي نوع ينفع للخلطة (y)




طبعاً أنتوا ماتحطون الكبسولة في العلبة تاخذون الزيت اللي داخلها فقط

وتجيبون نصف خيارة .. تقطعونها وتعصرونها عدل (تاخذون العصارة) بمقدار ملعقة صغيرة




وتحطون كل هذي المكونات في العلبة الصغيرة حق أولاي حول منطقة العيون ..
وتستخدمونها بشكل يومي بدون إنقطاع قبل النوم

____________

وبس .. أنا أحسها تنفع صار لي عليها فترة ماهي طويلة من أسبوع
حسيت أنهم خفوا الحمدلله .. مع إني مابساعد نفسي وكله سهرانة (n)

إن شاء الله عجبكم الموضوع
واذا حبيتووه قيموني


منتظرة ردودكم