nany1980 Admin
المساهمات : 1030 تاريخ التسجيل : 05/12/2009 العمر : 44
| موضوع: صابونة البابايا وما ادراكي ما صابونة البابايا (((مع خلطة تبييض بالداخل)) الثلاثاء ديسمبر 22, 2009 9:48 pm | |
| سلام عروسات اليوم يبتلكم صابونة نصحونه فيها وايد عروسات بالمنتدى
وانا صراحة استخدمتها شفت النتايج بس مو وايد مثل ما امدحوها لإني خذيت وحدة طلعت مو ذاك الزود
فبعد ما خلصت صابونة البابايا الي كانت عندي توهقت لإني سافرت
وما قدرت اغسل وجهي بأي صابونة غير صابونتي الي متعوده عليها ما ارتحت الا عليها لإن بشرتي حساسة وجافة شوي
حتى صابونة دوف الي نصحتنا فيها بنت عذاري ما فادتني كثر صابونة البابايا
واحترقت من الشمس فقلبت سمره (( للعلم انا لاحظت البياض والنظافة بعد استخدامي لصابونة البابايا الفرق بس نشفت ويهي))
رحت العطارة وقلت له أيهي أحسن صابونة بابايا فقالي هذه الي بيدج
وانا ايدي ما طاحت الا على الصابونة الي علبتها كانت كشخة شغل عدل
ومكتوب عليها صابونة بابايا صابون مبيض
مع فيتامين أ ج ه
اهيا علبة برتقالية تفتحينها تلقين الصابونة لافينها بقرطاسة شفافة عليها كلام بالبرتقالي والأخضر
صراحة روعة هالصابونة احسن من الباقي
والي لاحظته من اول استخدامي لها
نظافة بياض ريحه خفيفة حلوة نعومة بالوجه
ما شاء الله
والله بنات لا حظت البياض
ما شاء الله ما شاء لله ما شاء لله والخلطة اهيا: والي تبي بياض سريع جربي الصابونة البابايا واستخدمي كريم افالون وايت لتبييض للبشرة روعة وبياض
نصيحة جربي الكريم على منطقة صغيرة من جسمج بالأول عشان تتأكدين ان ما يسببلج حساسية
وسعرها سبع دنانير ونص كويتي
والبلدان الثانية سعره وايد ارخص الكريم وباقي اليوم إذا خايفة
تسببلج الصابونة جفاف استخدمي لوجهج كريم غارنيه للبشرة وسعرها دينار وتلاث مية وخمسين فلس تقريبا
يعني بعشر دنانير تقريبا تحصلين بياض وبشرة حلوة خلال ثلاث أيام بالكثير قولوا ماشالله
واتحدى اي وحدة بعد تشتكي من سمار بشرتها او ان بشرتها تفشل وصراحة صابونة البابايا
روعة روعة وسعرها نص دينار فقط
وانا انصح اي وحدة تبي تشتري صابونة البابايا تختار النوع المناسب يعني سالي العطار شنو احسن وحدة
لا تختارين وحدة بس عشان سعرها غالي لإن قص علي ذاك العطار الي رحت له قبل
لما شريت الصابونة البابايا اول مره الي ما فادتني وكانت اغلى صابونة وقالي
انها احسن وحدة عشان جذي غالية
وطلع كلامها خرطي بس يبي فلوس زيادة
وأخذي الي تبيض الوجه مع فيتامين أ ج ه وزنها @مية و خمسة وثلاثين@ غرام
وناطرة ردودكم وانشالله تجربونها | |
|