مخلل الجزر و المنجا بالثوم

مخلل الجزر و المنجا بالثوم

السلام عليكم ....

بالامس قمت بصنع مخلل جزر و منجا كنت مسويتة من زمان و سويتة من جديد مع بعض الاضافات من القديم ...

بصراحة شكلة و ريحتة يشهوون جدا بس يبي لة شغل متعب شوي ...

المقادير :
-كيلو جزر او الكرتون الفلين كامل مقطع شرايح بالطول ( لا تستخدم المبشارة ابدا بل يقطع يدويا )
-علبة مخلل منجا ماركة
( الجمل ) متوقر بكل البقالات
- 4 راس ثوم مقشر و مقطع شرائح طوال او دوائر و اللي يحب الثوم ممكن يزيد راس
-كاس كبير عصير ليمون
- نص كاس زيت
- قليل ملح لان المنجا مالحة يعني انا كلتة بيدي كف واحد ...
- شوي ماء مغلي
-حبة سوداء حسب الرغبة



الطريقة :

تخلط جميع المقادير مع بعض و يصب قليل من الماء الحار في قارورة مخلل المنجا لحد ما تلملم بقايا المخلل بالقارورة ثم يصب فوق الخليط ....

يوضع بالجار مع الضغط يعني حطي و اضغطي لحد ما يمتلي الجار غطية بأحكام عن الهواء و خلية برا فقط 5 ايام بعدين دخلية الثلاجة يومين قبل لا تبدء بأكلة ....

بعد الفتح يحفظ بالثلاجة لانة بيكون عرضة للهواء و يؤخذ منة بمعلقة ناااااااشفة تمام و يعاد غلقة بأحكام ....


بصراحة يمي متحمسة بعد اسبوع افتحة ....

و بالهنا و العافية على قلوبكم ...


نصيحة ترى التقطيع متعب مررررة خلو احد يساعدكم و في العافية مرة ثانية