الحب مابين الانانيه والتضحيه

ف الموضوع ده انا احب افرق بين تلات
1 امتى الحب يبقى تضحيه

2امتى الحب يبقى انانى

3 امتى حب التضحيه تبقى انانيه ف نفس الوقت

اولا:امتى الحب يبقى تضحيه

التضحيه كلمه صغيره اوى بس معانيها كبيره جدا ممكن تخرج من نطاق تفكير البشرفهى اعطاء

ووهب كل غالى للشخص اللى بنحبه ممكن تكون حاجه ماديه وممكن اووووى

تكون معنويه زى السعاده مثلا ممكن يكون احد الطرفين مريض فيضطر يبعد عن الطرف التانى

عشان يكرهه احسن ميعرف انه عيان ويشوف ف عنيه نظره شفقه او ممكن يبعد عشانن الفرق

المادى وهوة شايف ان البعد ده تضحيه منه عشان يسعده لو انسان مريض حيقدر ازاى يسعد

حبيبه وهوة كده ديه التضحيه ف الحب

فيه عندنا رقم 2 انانيه الحب
فيه ناس كتير وخصوصا الشباب الصغيرمن اول17 اللى معندوش اقل الامكانيات اانه يعتمد على نفسه او

يفتح بيت ومع ذللك بيحب وهوة عارف انه ممكن يتم الزواج او لالالا بس احساسه بالحب مش

عايز يسيب الاحساس ده انه بيحب وبيتحب
انانيته عمته عن معنى الحب الاساسى وهو التضحيه لسعاده الطرف التانى يفتكر الطرف التانى

لما يضيع عليه فرص ارتباط احسن منه

فيه نوع تانى من الانانيه ف الحب انه عايزة ملكه وحده بس يعنى يعزله عن اهله والناس كلها

النوع التالت وهوة انانيه الحب تبقى تضحيه

اف بعض الاوقات الانسان لما بيفكر يبعد وفيه فكره ان ديه تضضحيه بالعكس ديه بالنسبه للطرف

التانى انانيه لانه حرمه من وجوده جنبه وقرر لوحده انه يبعد. افتكر ان الظروف اللى هوة فيها

تسمحله وفرضت عليه انه يبعد نتيجه مرضه او الفرق المادى نسى ان الحب اقوى من ده كله

والا يبقى ليه بنحب مش عشان نبقى جنب بعض ونمد بعض بالقوة اللى نحتاجها

موضوعى محير وطويل شويه وممكن يكون معانيه قريبه جدا من بعض بس اناعايزة رايكم


اتمنى ان كل واحد وواحده فينا يفكر هل احنا نستحق حب الطرف الاخر لينا؟

هل احنا انانيين ف الحب ده ؟؟؟؟

هل ضحينا ف الحب ده لان مفيش حب من غير تضحيه؟؟
اتمنى اعرف ارائكم وخصوصا ف النوع التانى وهوة حب الانانيه لانه منتشر كتير اووووووووووى

ف مجتمعنا واعتقد منتشر اكتر ف الجامعه ناس كتير بتقول انه بيحبوا بعض بس يترى عمل

ايه عشان يقول انا بحب او استاهل الحب ده وصله للبر الامان ولا عايش ف الظلمه مستخبر

خايف من النور ليعريه

ارجو الرد