بعد الفراق

والله لولا الخوف من ربي و كرهي لذنوب بالحرام إن التراب أبعد عليك من النجوم
يا إلهي تطمئن بذكرك أرواح و قلوب لا إله إلا إنت نسجده و لا غيرك يدوم
وجهك الباقي و عبدك ينتظر منك المكتوب ماله إلا ما كتبت و ما يطول إلا المقسوم
يا العظيم يللي في علمك جنة و نار و غيوب تنجي أمي من عذاب النار و القبر الكتوم
يمه يمه الله إللي يعلم يوم أودعك إمغصوب يوم أحطك في القبر مدري أقوم أو ما أقوم
ما هقيت أمشي و لا خطوة و لا ألحق غروب من عرفت إن الفراق اليوم صار أمر إمحسوب
صارت الدنيا تدور و لا عرفت الدروب إبنوب مثل الأعمى صرت يمه ما عليّ شرهه و لوم
الوكاد إني غديت في صوب و الدنيا في صوب و الحياة الله يجيرك صارت أقسى من اللزوم
كل ما أذكرك يمه ينحرق شمع و يذوب يختنق صدر المفارق كثر ما صار إمحروم
أذكرك و إنتي هنا و هناك يا صعب الغروب وين ما أناظر أشوفك في عيوني كل يوم
أتخيل طلتك و مشيتك في ها الدروب حتى صوتك أسمعه نفس السوالف يا رحوم
صار بيتي في عيوني موحش و كله عيوب من رحلتي لا خبر لا علم و لا عيني تنوم
ما بقى للبيت نور و ما بقى للجرح ثوب و لابقى إلا ذكريات بيني وبينك تدوم
يمه الله لا يعاقبني و لكني أتوب أدري الجنة تحت رجليك و لله الوجوب أسأل الله الرضى يا الحي القيوم